เหตุ สเหตุโก ธมฺโม นนเหตุสฺส นสเหตุกสฺส ธมฺมสฺส อารมฺมณปจฺจเยน ปจฺจโยฯ เหตุ สเหตุโก ธมฺโม นเหตุสฺส นสเหตุกสฺส จ นนเหตุสฺส นสเหตุกสฺส จ ธมฺมสฺส อารมฺมณปจฺจเยน ปจฺจโยฯ (3)

นเหตุ สเหตุโก ธมฺโม นนเหตุสฺส นสเหตุกสฺส ธมฺมสฺส อารมฺมณปจฺจเยน ปจฺจโยฯ นเหตุ สเหตุโก ธมฺโม นเหตุสฺส นสเหตุกสฺส ธมฺมสฺส อารมฺมณปจฺจเยน ปจฺจโยฯ นเหตุ สเหตุโก ธมฺโม นเหตุสฺส นสเหตุกสฺส จ นนเหตุสฺส นสเหตุกสฺส จ ธมฺมสฺส อารมฺมณปจฺจเยน ปจฺจโยฯ (3) (สํขิตฺตํฯ)

เหตุยา เอกํ, อารมฺมเณ ฉ, อธิปติยา ทฺเว…เป.… อวิคเต ปญฺจฯ (ปญฺหาวารํ วิตฺถาเรตพฺพํฯ)

[4] เหตุํ อเหตุกํ ธมฺมํ ปฏิจฺจ นเหตุ นอเหตุโก ธมฺโม อุปฺปชฺชติ เหตุปจฺจยาฯ (1)

นเหตุํ อเหตุกํ ธมฺมํ ปฏิจฺจ นนเหตุ นอเหตุโก ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ) เหตุยา จตฺตาริฯ

1-2. เหตุทุก-เหตุสมฺปยุตฺตทุกํ

[5] เหตุํ เหตุสมฺปยุตฺตํ ธมฺมํ ปฏิจฺจ นเหตุ นเหตุสมฺปยุตฺโต ธมฺโม อุปฺปชฺชติ เหตุปจฺจยา… ตีณิฯ (สเหตุกสทิสํฯ)

เหตุํ เหตุวิปฺปยุตฺตํ ธมฺมํ ปฏิจฺจ นเหตุ นเหตุวิปฺปยุตฺโต ธมฺโม อุปฺปชฺชติ เหตุปจฺจยาฯ (1)

นเหตุํ เหตุวิปฺปยุตฺตํ ธมฺมํ ปฏิจฺจ นนเหตุ นเหตุวิปฺปยุตฺโต ธมฺโม อุปฺปชฺชติ เหตุปจฺจยา… ตีณิฯ เหตุยา จตฺตาริฯ

1-3-5. เหตุทุก-เหตุสเหตุกาทิทุกานิ

[6] เหตุํ เหตุญฺเจว สเหตุกญฺจ ธมฺมํ ปฏิจฺจ นเหตุ นเหตุ เจว นอเหตุโก จ ธมฺโม อุปฺปชฺชติ เหตุปจฺจยาฯ เหตุยา เอกํฯ

นเหตุํ สเหตุกญฺเจว น จ เหตุํ ธมฺมํ ปฏิจฺจ นนเหตุ นอเหตุโก เจว นนเหตุ จ ธมฺโม อุปฺปชฺชติ เหตุปจฺจยาฯ เหตุยา เอกํฯ

[7] เหตุํ เหตุญฺเจว เหตุสมฺปยุตฺตญฺจ ธมฺมํ ปฏิจฺจ นเหตุ นเหตุ เจว นเหตุวิปฺปยุตฺโต จ ธมฺโม อุปฺปชฺชติ เหตุปจฺจยาฯ เหตุยา เอกํฯ

นเหตุํ เหตุสมฺปยุตฺตญฺเจว น จ เหตุํ ธมฺมํ ปฏิจฺจ นนเหตุ นเหตุวิปฺปยุตฺโต เจว นนเหตุ จ ธมฺโม อุปฺปชฺชติ เหตุปจฺจยาฯ เหตุยา เอกํฯ

[8] นเหตุํ นเหตุํ สเหตุกํ ธมฺมํ ปฏิจฺจ นเหตุ นเหตุ นสเหตุโก ธมฺโม อุปฺปชฺชติ เหตุปจฺจยาฯ เหตุยา อธิปติยา เอกํฯ

นเหตุํ นเหตุํ อเหตุกํ ธมฺมํ ปฏิจฺจ นเหตุ นเหตุ นอเหตุโก ธมฺโม อุปฺปชฺชติ เหตุปจฺจยาฯ เหตุยา เอกํฯ

1-6-12. เหตุทุก-จูฬนฺตรทุกาทิ

[9] นเหตุ อปฺปจฺจโย ธมฺโม นนเหตุสฺส นอปฺปจฺจยสฺส ธมฺมสฺส อารมฺมณปจฺจเยน ปจฺจโย…เป.… นเหตุ อปฺปจฺจโย ธมฺโม นเหตุสฺส นอปฺปจฺจยสฺส ธมฺมสฺส อารมฺมณปจฺจเยน ปจฺจโยฯ นเหตุ อปฺปจฺจโย ธมฺโม นเหตุสฺส นอปฺปจฺจยสฺส จ นนเหตุสฺส นอปฺปจฺจยสฺส จ ธมฺมสฺส อารมฺมณปจฺจเยน ปจฺจโย…เป.…ฯ (อสงฺขตํ อปฺปจฺจยสทิสํฯ)

[10] นเหตุ สนิทสฺสโน ธมฺโม นนเหตุสฺส นสนิทสฺสนสฺส ธมฺมสฺส อารมฺมณปจฺจเยน ปจฺจโยฯ นเหตุ สนิทสฺสโน ธมฺโม นเหตุสฺส นสนิทสฺสนสฺส ธมฺมสฺส อารมฺมณปจฺจเยน ปจฺจโยฯ นเหตุ สนิทสฺสโน ธมฺโม นเหตุสฺส นสนิทสฺสนสฺส จ นนเหตุสฺส นสนิทสฺสนสฺส จ ธมฺมสฺส อารมฺมณปจฺจเยน ปจฺจโยฯ อารมฺมเณ ตีณิฯ

เหตุํ อนิทสฺสนํ ธมฺมํ ปฏิจฺจ นเหตุ นอนิทสฺสโน ธมฺโม อุปฺปชฺชติ เหตุปจฺจยา… เหตุยา ตีณิฯ

[11] นเหตุํ สปฺปฏิฆํ ธมฺมํ ปฏิจฺจ นเหตุ นสปฺปฏิโฆ ธมฺโม อุปฺปชฺชติ เหตุปจฺจยา… เหตุยา เอกํฯ

เหตุํ อปฺปฏิฆํ ธมฺมํ ปฏิจฺจ นเหตุ นอปฺปฏิโฆ ธมฺโม อุปฺปชฺชติ เหตุปจฺจยา… เหตุยา ตีณิฯ